兩性生活：變短減慾損精胖男性危機
2008-11-25
每個女士嘅擇偶條件唔同，有人認為健碩型男最煞食；有人認為肥胖男士較可愛，亦可以畀到佢哋安全感。不過，最近美國就有醫學調查顯示，肥胖型嘅男士有着極高嘅床上危機，肥胖嘅身軀不但讓佢哋生殖能力變差，而佢哋嘅如意棒，更會隨着腰圍嘅增加而不斷變得短小。如果想得到最佳嘅性愛經歷，胖男看來並非最佳嘅選擇！
肥胖煩惱
呢個由美國一間大學醫學院研究人員所進行嘅研究，透過問卷調查及案例分析，發現喺六百名肥胖男性中，有七成因為肥胖嘅身體而煩惱，而當中有六成受訪者，覺得隨着腰圍不斷增加而讓佢哋嘅如意棒愈嚟愈短。
對於呢種情況，研究主任Harrison 博士表示：「好多體形肥胖嘅男士，以為呢個只係佢哋嘅錯覺，不過事實並非如此。事實上，經過我哋深入分析後，發現胖男如意棒短小，係同佢哋肚腩中嘅脂肪有莫大關係。」為此，Harrison 博士列舉出胖男性享受大打折扣嘅三大要素。
第１槍桿變短
胖男嘅槍桿之所以會變短，同佢哋肥大嘅肚腩有着莫大關係。據調查顯示，男士嘅體重每增加5 公斤，佢嘅如意棒便會「縮短」1 厘米。有部分受訪者對於呢個情況深感煩惱，事關隨着腰圍不斷變粗，如意棒愈縮愈短，擔心有朝一日會「消失」。對於呢個現象，專家解釋「縮短」嘅原因，係因為如意棒被厚厚嘅脂肪所包圍，因而被「埋沒」於腰部嘅脂肪之中。
Harrison 博士舉咗一個案例作為說明，美國就有一位身高一米七嘅男子，佢嘅體重達到一百公斤，肥胖嘅佢基本上冇性生活。因為佢嘅如意棒已經「縮」咗入腰部嘅脂肪中，只係有小部分棒頭顯現出嚟，而喺咁嘅情況下，自然唔能夠有正常嘅性生活。
第２性慾減少
肥胖除咗會令如意棒變得短小，亦會令胖男性慾變得缺乏。原來性慾同血液中嘅雄激素有着莫大關係，而隨着體內脂肪增加，部分雄激素便會轉變成雌激素。當雌激素濃度不斷上升，便會抑制身體分泌性腺激素，進而令睾丸嘅睾丸酮分泌減少，而睾丸酮正係激發性慾嘅重要元素，是以胖男嘅性慾便會不斷下降。縱然能夠進入作戰狀態，如意棒嘅硬度及高潮嘅快感，亦會因而大打折扣。此外，肥胖亦係多種慢性疾病嘅元兇，當中包括高血壓、糖尿病、冠心病等，而呢啲疾病均可導致性慾下降、早洩及勃起功能障礙等，亦會令胖男對性愛提唔起勁。
第３精子受損
調查亦發現，胖男嘅精液量較少，而正常精子亦比體重適中嘅男士為少。對於呢個現象，Harrison 博士認為主要原因有兩方面。第一係脂肪組織受到性激素分泌變化，導致精液生成量及精子嘅質量受到影響，而令到佢哋嘅生殖能力下降。
第二係溫度嘅變化，對精子生成產生負面嘅影響。事關人體正常嘅體溫係攝氏37 度左右，而精子最佳嘅生成溫度，則比正常嘅體溫低攝氏2 度。不過由於胖男體內嘅脂肪較多，因而令佢哋嘅體溫比體重正常嘅男士為高。另一方面，由於受到腰間脂肪壓迫，陰囊長期被包裹關係，溫度未能下降，從而影響精子嘅產生。綜合上述各項因素，均係導致胖男生殖能力下滑嘅主要原因。
後記：胖男女易不育
胖男生殖能力不佳，但唔代表佢哋唔能夠繁殖後代，只要佢哋搵番一個體形適中嘅異性，生育功能便會得到對方補償，仍然有機會圓生孩子嘅夢想。不過，如果胖男同胖女結合的話，兩人嘅肥胖就會疊加一齊，形成放大效應，結果會較易出現不育情況。
撰文：祖
